Llyfrgell a Gwasanaethau Dysgu Oedolion yn y Gymuned - dweud eich dweud
Wedi ei bostio ar Wednesday 24th January 2024
Fel rhan o'n cynlluniau ar gyfer 2024/25 rydym yn cynnig rhai newidiadau i'r ffordd yr ydym yn darparu gwasanaethau llyfrgell a dysgu cymunedol i oedolion.
Mae'r cynigion, sy’n destun ymgynghoriad yn rhan o'r broses i osod cyllideb, yn cynnwys trawsnewid Plasty Llys Malpas yn ganolfan ddysgu gymunedol newydd.
Dros y pum mlynedd diwethaf, mae'r defnydd o lyfrgelloedd yng Nghasnewydd wedi lleihau ac wedi newid yn sylweddol. Nod y cynnig yw ateb y galw cynyddol gan gwsmeriaid, gwneud y defnydd gorau o adeiladau cymunedol, a datblygu allgymorth cymunedol llyfrgell.
Byddai'r gwasanaeth yn rhoi mwy o bwyslais ar ymgysylltu â'r cyhoedd gyda mwy o ddigwyddiadau a gweithgareddau sy'n hyrwyddo darllen a gwella llythrennedd o fewn cymunedau Casnewydd.
Nod prosiect rhesymoli asedau'r cyngor hefyd yw gwneud y defnydd gorau o'i adeiladau i sicrhau eu bod yn gynaliadwy yn ariannol ac yn diwallu anghenion y gymuned.
Byddai'r cynnig yn golygu bod llyfrgell Betws yn symud i'r ganolfan gymunedol, gan gadw'r ddarpariaeth yn y ward. Byddai llyfrgell Malpas yn symud i Malpas Court gan wella'r cynnig o'r adeilad hwn ymhellach. Fel dwy o'r llyfrgelloedd a ddefnyddir leiaf, byddai Pilgwenlli a Sain Silian yn cau. Fodd bynnag, byddai'r ddau safle yn elwa o gynnig lleol pwrpasol a gwell gan lyfrgellydd cymunedol newydd.
Byddai unrhyw adeilad nad yw'n cael ei ddefnyddio bellach yn cael ei ystyried ar gyfer trosglwyddo asedau cymunedol i grwpiau cymunedol, defnydd gwahanol gan y cyngor, neu ei werthu.
Mae dau ddigwyddiad cyhoeddus yn cael eu cynnal lle gallwch ddysgu mwy am y cynigion a dweud eich dweud:
Dydd Llun 29 Ionawr 2024
12 – 1pm
Llyfrgell Pilgwenlli
111-110 Commercial Road
Casnewydd
NP20 2GW
Dydd Mercher 31 Ionawr 2024
12.30 - 2.30pm
Canolfan Ddysgu Cymunedol a Llyfrgell Sain Silian
Beaufort Road
Casnewydd
NP19 7PB
Gallwch hefyd ddarllen y cynnig llawn ar wefan y cyngor a dweud eich dweud yn www.newport.gov.uk/cyllideb