Mwy o finiau sbwriel ledled Casnewydd
Wedi ei bostio ar Wednesday 7th October 2020
Mae Cyngor Dinas Casnewydd wedi gosod dros 80 o finiau sbwriel newydd o amgylch y ddinas yn ddiweddar.
Mae'r symudiad yn rhan o ymrwymiad y cyngor i gynyddu'r ddarpariaeth biniau hyd yn oed ymhellach a lleihau lefelau sbwriel ar ein strydoedd dros y blynyddoedd nesaf.
Mae biniau sefydlog newydd wedi'u gosod yn y wardiau canlynol:
• Allt-yr-ynn
• Alway
• Betws
• Beechwood
• Gaer
• Malpas
• Ringland
• Tŷ-du
• Sain Silian
Penderfynwyd ar leoliadau'r biniau hyn drwy ymgynghori â grwpiau casglu sbwriel gwirfoddol lleol, ceisiadau gan y cyhoedd a phrofiad ein tîm glanhau strydoedd, sydd wedi gwneud y gwaith gosod.
Mae nifer fach o'r biniau yn disodli biniau polyn llai er mwyn sicrhau mwy o gapasiti a mynd i'r afael â phroblemau lle mae biniau'n gorlenwi er gwaethaf gwagio rheolaidd.
Bydd unrhyw finiau polyn llai sydd wedi'u disodli yn cael eu hadleoli i ardaloedd eraill ledled y ddinas.
Gofynnwn i'r cyhoedd ddefnyddio'r biniau hyn yn gyfrifol ac atgoffwn breswylwyr na ddylid eu defnyddio i waredu gwastraff y cartref.