Anifeiliaid sy'n perfformio
Rhaid i chi fod wedi'ch cofrestru gyda Chyngor Dinas Casnewydd os ydych chi'n arddangos, defnyddio neu hyfforddi anifeiliaid sy'n perfformio - er enghraifft, mewn syrcas, ar y teledu neu gynhyrchu ffilm, neu berfformiad theatr.
Bydd angen i chi roi manylion yr anifeiliaid a'r perfformiadau y byddant yn cymryd rhan ynddynt pan fyddwch yn gwneud cais.
Bydd angen i chi dalu ffi hefyd, edrychwch ar y ffioedd trwydded iechyd anifeiliaid cyfredol
Os cymeradwyir eich cais, byddwn yn rhoi tystysgrif i chi yn cadarnhau bod gennych yr hawl i gadw'r anifeiliaid a'u defnyddio mewn perfformiad.
Sylwer, nid oes angen i chi gofrestru os ydych chi'n hyfforddi neu'n arddangos anifeiliaid i'w defnyddio gan luoedd milwrol neu'r heddlu, neu ar gyfer amaethyddiaeth neu chwaraeon.
Arolygiad
Gall swyddog heddlu neu swyddog awdurdodedig arall:
- fynd i mewn i unrhyw eiddo lle cedwir yr anifeiliaid sy’n perfformio
- archwilio’r eiddo i wirio bod yr anifeiliaid yn cael eu cadw mewn amodau addas sy'n bodloni safonau iechyd, lles a diogelwch
- gofyn i chi gynhyrchu eich tystysgrif cofrestru
Dirwyon a chosbau
Os profir cwyn o greulondeb yn eich erbyn, gallwch:
- gael eich gwahardd rhag arddangos neu hyfforddi anifeiliaid sy'n perfformio
- orfod derbyn amodau ar eich cofrestriad
- golli'ch cofrestriad
Gallwch gael dirwy o hyd at £2,500 os ydych yn arddangos neu’n hyfforddi unrhyw anifail sy'n perfformio heb gael eich cofrestru.
Efallai y cewch eich gwahardd rhag arddangos neu hyfforddi anifeiliaid sy'n perfformio.
Cysylltwch â ni cyn gwneud cais am drwydded er mwyn i ni allu siarad am y gofynion ac anfon yr holl amodau y bydd angen i chi eu bodloni er mwyn i chi allu gwneud cais am drwydded ar-lein.
Gwnewch gais am gofrestu anifeiliaid sy’n perfformio
Mae ffi yn daladwy, gweler y ffioedd trwydded iechyd anifeiliaid cyfredol.